Maharashtra Live blog: मीरारोड पोलीस ठाण्यातील तरुणांचा सिगारेट पार्टीचा व्हिडिओ व्हायरल

<p><strong>Maharashtra Live blog updates:</strong> मिरारोड पोलीस ठाण्यातच काही नशेत असलेल्या तरुणांनी सिगारेट ओढत व्हिडिओ तयार केला आणि तो समाजमाध्यमांवर पोस्ट केल्याने पोलिस विभागाची मोठी फजिती झाली आहे. या घटनेनंतर तिन्ही तरुणांवर गुन्हा दाखल करण्यात आला असून संबंधित अधिकारी आणि ठाणे अंमलदार यांच्यावरही कारवाई करण्यात आली आहे.</p> <p>ही घटना शुक्रवारी मध्यरात्री घडली. मारहाणीच्या प्रकरणात काही तरुणांना चौकशीसाठी मीरारोड पोलीस ठाण्यात आणण्यात आले होते. चौकशी सुरू होण्यापूर्वी त्यांना तात्पुरते ठाण्यातील स्टोअर रूममध्ये ठेवण्यात आले होते. त्याचदरम्यान, नशेच्या अवस्थेत असलेल्या या तरुणांनी सिगारेट ओढत ठाण्याच्या आतच व्हिडिओ तयार केला आणि तो सोशल मीडियावर टाकला.</p> <p>हा व्हिडिओ काही तासांतच व्हायरल झाल्याने शहरभरात खळबळ उडाली. &ldquo;पोलीस ठाण्याच्या चार भिंतींच्या आत असा प्रकार कसा घडू शकतो?&rdquo; असा प्रश्न नागरिक आणि स्थानिकांकडून उपस्थित करण्यात आला. कायदा-सुव्यवस्थेच्या दृष्टीने ही घटना अतिशय गंभीर मानली जात आहे.</p> <p>दरम्यान, या प्रकरणात मीरारोड पोलिसांनी तिन्ही तरुणांना अटक करून त्यांच्यावर संबंधित कलमांखाली गुन्हा दाखल केला आहे. तसेच निष्काळजीपणा आणि दुर्लक्ष केल्याबद्दल संबंधित अधिकारी आणि <a title="ठाणे" href="https://ift.tt/j9admpV" data-type="interlinkingkeywords">ठाणे</a> अंमलदार यांच्यावर शिस्तभंगाची कारवाई करण्यात आली आहे. या घटनेनंतर पोलिस ठाण्यांतील सुरक्षा व देखरेख प्रणालीबाबतही गंभीर प्रश्न उपस्थित झाले आहेत. वरिष्ठ अधिकाऱ्यांनी ठाण्यातील देखरेख कडक करण्याचे आदेश दिले आहेत.</p>

from Tiger Fake Viral Video: वाघाच्या हल्ल्याचा AI व्हिडिओ, समाजकंटकांवर होणार कारवाई Special Report https://ift.tt/qWnxfOX