Mahuli Fort: शहापूर- माहुली गडावर अडकलेल्या पर्यटकांची सुटका, वनविभाग आणि स्थानिकांकडून अडकलेल्या पर्यटकांची सुटका

<p style="text-align: justify;"><strong>&nbsp;ठाणे:</strong> ठाणे जिल्ह्यातील शहापूर तालुक्यातील माहुली गडावर (Mahuli Fort) रविवारी &nbsp;वाट चुकलेल्या सहा पर्यटकांचा शोध घेण्यात ग्रामस्थांना यश आले. ठाणे आणि ऐरोली येथील &nbsp;पर्यटक वाट चुकल्याने सायंकाळी माहुली गडावरच भरकटले होते. गडावरून खाली येण्याची वाट न सापडल्याने हे दोघे तेथेच अडकून पडले होते. &nbsp;अखेस सहा तासानंतर त्यांची सुटका करण्यात आली आहे.&nbsp;</p> <p style="text-align: justify;">ठाणे जिल्ह्यातील माउंट एवरेस्ट समजला जाणाऱ्या किल्ले माहुली गडावर ट्रेकिंगसाठी &nbsp;ठाणे आणि ऐरोली येथून 11 पर्यटकांपैकी चार पर्यटक गडावर &nbsp;दिशादर्शक सूचनाफलक &nbsp;नसल्यामुळे &nbsp;वाट चुकल्याने सायंकाळी माहुली गडावरच भरकटले होते. वाट चुकल्यानंतर त्यांनी आडवाटेने गड उतरण्यास सुरुवात केली. यामध्ये दोन मुली आणि दोन मुलांचा समावेश होता. सदर घटनेची माहिती &nbsp;किल्ले माहुली गड प्रतिष्ठानचे संस्थापक महेश पितांबरे यांना मिळताच त्यांनी घटनास्थळी धाव घेऊन जीवरक्षक रेस्क्यू टीम तसेच वनविभाग व स्थानिक पोलीस गडावर दाखल झाली. &nbsp;तब्बल सहा तास गडावर अडकून पडलेल्या पर्यटकांना सुखरूप गडाच्या पायथ्याशी घेऊन येण्यात यश आले.&nbsp;</p> <p style="text-align: justify;">संबंधित पर्यटकांकडून वनविभागाने प्रत्येकी 30 रुपये अशी 330 रुपये प्रवेश फी घेण्यात आली होती. प्रवेश फी घेतलेली असताना देखील वनविभागाची मदत का पोहचली नाही? प्रवेश फी घेऊन सुद्धा गडावर &nbsp;दिशादर्शक सूचना फलक का नाही? पर्यटकांना जर वेळेत वनविभागाची मदत मिळाली असती तर ते भटकले नसते शिवाय त्यांच्या जीवाचं काही बर वाईट झालं असतं तर त्याला जवाबदार कोण? असा सवाल &nbsp;किल्ले माहुली गड प्रतिष्ठान आणि शंभू दुर्ग प्रतिष्ठान कडून उपस्थित केला &nbsp;जातो आहे.&nbsp;वनविभागाने पर्यटकांच्या जीवनाशी खेळू नये अशी शिवभक्तांची मागणी असून गरजेच्या सोयी उपलब्ध करुन देण्यात यावी जेणेकरून अशी घटना पुन्हां घडणार नाही अशी मागणी शिवभक्तांनी केली आहे.</p> <p style="text-align: justify;">&nbsp;</p>

from maharashtra https://ift.tt/0kTiJmg