Maharashtra Breaking News 30 August 2022 : देशासह राज्यभरातील महत्त्वाच्या बातम्या एका क्लिकवर...

<p style="text-align: justify;">मुंबई : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... &nbsp;या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू.</p> <p style="text-align: justify;"><br /><strong>राज्यातील सत्तासंघर्षाच्या सुनावणीसंबंधी अनिश्चितता कायम&nbsp;</strong></p> <p style="text-align: justify;">राज्यातील सत्तासंघर्षावर सर्वोच्च न्यायालयात सुरू असलेल्या सुनावणीसंदर्भात अनिश्चितता कायम आहे. या प्रश्नी आज सुनावणी होण्याची शक्यता वर्तवण्यात येत होती. पण सर्वोच्च न्यायालयाच्या आजच्या कामकाजाच्या विषयांमध्ये याचा समावेश नाही. त्यामुळे आज या प्रश्नी सुनावणी होणार की नाही हे अद्याप अस्पष्ट आहे. गुरूवारपर्यंत तातडीच्या सुनावणीसाठी कोणतंही प्रकरण थेट खंडपीठाकडे सादर करू नका असा आदेश नवनिर्वाचित सरन्यायाधीश उदय लळित यांनी दिला आहे. तातडीच्या प्रकरणांची माहिती रजिस्ट्रारकडे द्यावी, ते देतील त्या तारखेला सुनावणी होईल असे निर्देशही सरन्यायाधीश उदय लळीत यांनी दिले आहेत. त्यामुळे हा विषय ऐनवेळी न्यायालयाच्या कामकाजाच्या पटलावर येण्याची शक्यता कमी असल्याचं चित्र आहे.&nbsp;</p> <p style="text-align: justify;"><strong>मेट्रो 3 ची आज चाचणी</strong></p> <p style="text-align: justify;">कुलाबा-वांद्रे-सिप्झ मार्गावरच्या मेट्रो 3 ची आज चाचणी होणार आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत मेट्रो 3 ची चाचणी होणार आहे. आरेच्या सारीपूतनगर येथील ट्रॅकवरती ही चाचणी होणार आहे. एकीकडे आरे कारशेडला पर्यावरणवाद्यांचा विरोध होत असताना दुसरीकडे मात्र ट्रायल सुरु करण्यात आली आहे. या मेट्रोसाठी दोन रेक मुंबईत दाखल झाले आहेत. सकाळी 11 वाजता ही आरेच्या सारीपूतनगर येथील ट्रॅकवरती ही चाचणी होणार आहे. सीप्झ ते बीकेसी हा पहिला टप्पा डिसेंबर 2023 पर्यंत सुरु करण्याचा एमएमआरसीचा प्रयत्न आहे.</p> <p style="text-align: justify;"><strong>सर्वोच्च न्यायालयात आज मेट्रो कारशेडची संदर्भात महत्वाची सुनावणी</strong></p> <p style="text-align: justify;">सर्वोच्च न्यायालयात आज मेट्रो कारशेडची संदर्भात महत्वाची सुनावणी होणार असून राज्य सरकारला आज कागदपत्र सादर करावी लागणार आहेत. 24 ऑगस्टच्या सुनावणीत राज्य सरकारनं आणखी कागदपत्रं जमा करण्यासाठी वेळ मागितला होता. तेव्हा न्यायालयाने अशात आणखी किती दिवस आम्ही सुनावणी पुढे ढकलायची?, असा प्रश्न उपस्थित केला होता. आज पूर्वीच्या सातही याचिकांवर एकत्रितपणे सुनावणी होणार आहे. त्यामुळे न्यायालय राज्य सरकारनं सुरु केलेल्या ट्रायल रनला हिरवा कंदील कायम ठेवतं की लालफितीत अडकवतं हे बघणं महत्त्वाचे असेल.&nbsp;</p> <p style="text-align: justify;">&nbsp;</p>

from maharashtra https://ift.tt/5uT8i4w