Maharashtra Breaking News 19 August 2022 : राज्यभरातील महत्त्वाच्या बातम्या एका क्लिकवर...

<p style="text-align: justify;"><em><strong>राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत...&nbsp;</strong></em></p> <p style="text-align: justify;"><strong>रायगडमध्ये सापडलेल्या बोटीसंबंधी एटीएसची टीम तपास करणार</strong><br />रायगडमध्ये सापडलेल्या बोट प्रकरणाचा तपास एटीएसची टीम करणार आहे. गुरुवारी सकाळी बोटीमध्ये एके-47 रायफल्स सापडल्यामुळे खळबळ माजली होती. त्यानंतर मुंबई, पुण्यासह राज्यात हाय अलर्ट जारी करण्यात आला होता. महाराष्ट्र एटीएस प्रमुख विनीत अग्रवाल गुरुवारी सायंकाळी बोटीच्या ठिकाणी पोहचले होते. त्यांनी सर्व पाहणी केली. बोटीमध्ये मिळालेल्या साहित्याचीही त्यांनी पाहणी केली. तसेच पुढील तपासाची दिशा काय असेल याची चाचपणी केली.&nbsp;</p> <p style="text-align: justify;"><strong>आज राज्यभर दहीहंडीचा उत्साह</strong><br />कोरोनाच्या प्रादुर्भावामुळे गेल्या दोन वर्षांपासून राज्यात गोकुळाष्टमी आणि दहीहंडीचा सण साजरा करण्यात आला नव्हता. त्यामुळे यंदा राज्यभरात दहीहंडीचा सण मोठ्या उत्साहात साजरा करण्यात येत आहे. त्यामध्ये खासकरून मुंबई आणि ठाण्यातील दहीहंडी धुमधडाक्यात साजरी करण्यात येत आहे.</p> <p style="text-align: justify;"><strong>असा साजरा होणार दहीहंडीचा सण</strong></p> <p style="text-align: justify;"><strong>टेंभीनाका दहीहंडी&nbsp;</strong><br />ठाण्यातील टेंभीनाका या ठिकाणी आज दुपारी 12 वाजता दहीहंडीच्या कार्यक्रमाचे आयोजन करण्यात आलं आहे. या दहीहंडीचा नारळ मुख्यमंत्री एकनाथ शिंदे यांच्या हस्ते फोडण्यात येणार आहे. तमन्ना भाटिया, श्रद्धा कपूर, आणि जॅकी श्रॉफ या बॉलिवूड कलाकारांच्या सोबत भार्गवी चिरमुले, अवधूत गुप्ते, हार्दिक जोशी, स्मिता सरोदे, सुप्रिया पाठारे, शर्मिष्ठा राऊत, पूर्णिमा तळवलकर, चेतन वर्दने बॉईज 3 ची टीम, पार्थ भालेराव, सुमंत शिंदे, विदुला चौघुले हे कलाकार या कार्यक्रमाचे खास आकर्षण असतील.&nbsp;</p> <p style="text-align: justify;"><strong>दादर आयडीयल दहिहंडी&nbsp;</strong><br />यंदा ही दहीहंडी महाराष्ट्र प्रदूषण नियंत्रक मंडळाच्या माध्यमातून सकाळी 9 ते 10 या दरम्यान आयोजित करण्यात येईल.&nbsp;</p> <p style="text-align: justify;"><strong>दादर शिवसेना भवनासमोर युवा सेनेकडून निष्ठा दहीहंडी</strong><br />युवासेना कार्यकारिणीकडून दादरच्या शिवसेना भवनासमोर दहीहंडीचे आयोजन करण्यात आलं असून त्यातून शक्तीप्रदर्शन करण्यात येणार आहे. या माध्यमातून शिवसेनेशी एकनिष्ठ राहिलेल्या शिवसैनिकांचा उत्साह वाढवण्याचा प्रयत्न केला जाणार आहे. गीत-संगीत-भगव्याचा जल्लोष आणि मान्यवरांची उपस्थिती या दहीहंडी उत्सवाचं आकर्षण असेल.&nbsp;</p> <p style="text-align: justify;"><strong>ठाण्यात राजन विचारे यांची दहीहंडी</strong><br />शिवसेना खासदार राजन विचारे यांनी ठाण्यामध्ये दहीहंडीचे आयोजन केलं आहे. त्यांच्या या कार्यक्रमाकडे अनेकांचे लक्ष लागलं असून या कार्यक्रमाला आदित्य ठाकरे उपस्थित राहणार आहेत.&nbsp;</p>

from maharashtra https://ift.tt/kztP0Y8