Cidco News : सिडको गृहप्रकल्पात झालेल्या अपघातात 4 कामगारांचा जागीच मृत्यू तर दोन जखमी, होणार चौकशी

<p style="text-align: justify;"><strong>Cidco News</strong> : तळोजा फेज 2 येथे सिडकोच्या माध्यमातून गृहनिर्माण प्रकल्प उभारला जात आहे. शिर्के कंस्ट्रक्शन कंपनीकडून उभारण्यात येणाऱ्या पंतप्रधान आवास योजनेच्या गृहप्रकल्पात झालेल्या अपघातात 4 कामगारांचा जागीच मृत्यू झाला आहे. तर दोन कामगार जखमी आहेत.&nbsp;</p> <p style="text-align: justify;"><strong>कामगारांचा दुर्देवी मृत्यू, सिडको करणार चौकशी</strong><br />साईटवरील लोखंडी क्रेनचे मोठे सामान खाली येवून आदळल्याने याखाली येवून कामगारांचा दुर्देवी मृत्यू झाला आहे. त्याच बरोबर एका कारचेही नुकसान झाले आहे. ही घटना अत्यंत दुख:द असून संपूर्ण घटनेची सिडकोतर्फे चौकशी करण्यात येणार असल्याचे प्रशासनाने स्पष्ट केलं आहे.</p> <p style="text-align: justify;"><strong>मृतांच्या कुटुंबियांना नुकसानभरपाई</strong></p> <p style="text-align: justify;">मृतांच्या कुटुंबियांना प्रत्येकी 7 लाख तर गंभीर जखमींच्या कुटुंबियांना 2 लाख रूपयांची नुकसान भरपाई देण्याचे निर्देश कंत्राटदार बी. जी. शिर्के यांना सिडकोतर्फे देण्यात आले आहेत. याचबरोबर जखमींवरील उपचारांचा खर्चदेखील कंत्राटदार बी. जी. शिर्के यांच्यातर्फे करण्यात येणार असल्याची माहिती मिळत आहे.</p> <p style="text-align: justify;">&nbsp;</p>

from maharashtra https://ift.tt/235nOSi