Raigad Pen News : पेणनजीक संशयास्पद आढळून आलेली वस्तू ही डमी बॉम्ब, चार तासांच्या प्रयत्नानंतर संशयास्पद बॉम्ब निकामी

<p style="text-align: justify;"><strong>Raigad Pen News Update :</strong> मुंबई - गोवा हायवेवरील पेणनजीक (Pen) संशयास्पद आढळून आलेली वस्तू ही डमी बॉम्ब (Dummy bomb) असल्याचे निष्पन्न झालं आहे. सुमारे चार तासांच्या प्रयत्नानंतर संशयास्पद बॉम्ब निकामी करण्यात आला. गुरुवारी (10 नोव्हेंबर) सायंकाळच्या सुमारास जिलेटन सदृश्य वस्तू सापडल्या होत्या. दरम्यान, नवी मुंबई आणि रायगडच्या बॉम्ब शोधक पथकाच्या मदतीनं हा बॉम्ब निकामी करण्यात यश मिळालं आहे.</p> <p style="text-align: justify;">रायगड जिल्ह्यातील श्रीवर्धन येथे आणि उरण तालुक्यात संशयित बोट सापल्याने गेल्या महिन्यात खळबळ उडाली होती. आता पुन्हा एकदा रायगडमध्ये संशयस्पद वस्तू आढळल्याने खळबळ उडाली होती. मुंबई - गोवा हायवेवरील पेणनजीक संशयास्पद वस्तू आढळली होती. भोगावती नदीच्या पुलाच्या खालच्या बाजूला जिलेटीन सदृश्य कांड्या सापडल्याची प्राथमिक माहिती समोर आली होती. &nbsp;काल सायंकाळी भोगावती नदीपात्रात गेलेल्या व्यक्तीला पाण्यामध्ये संशयास्पद वस्तू दिसून आली. या घटनेची पेण पोलिसांना मिळताच त्यांनी तातडीने घटनास्थळी धाव घेतली होती. त्याशिवाय रायगड पोलीस अधीक्षक, खालापूर, रोहा पोलीस घटनास्थळी दाखल झालं होतं. त्याशिवाय मुंबई आणि रायगड येथील बॉम्ब शोधक पथकालाही पाचारण करण्यात आले होते. अखेर संशयास्पद आढळून आलेली वस्तू ही डमी बॉम्ब असल्याचे निष्पन्न झालं आहे. &nbsp;&nbsp;</p>

from maharashtra https://ift.tt/4JtbWNA